بلغنى أيها الملك السعيد ذو الرأي الرشيد
إن في قلب مجروح
عايش حلاوة روح مدبوح
بسيف السياف
ممنوع عليه الفرح
مكتوب عليه انه يخاف
مكسبش من زمانه حاجة
ولا حتى عارف يعمل حاجة
ماشى في البلاد
شوية يدخل فرح
وشوية يعمل حداد
ده راجل هدت فيه السنين يا مولاي
يادوب سعادته في كوبايه شاي
وفيلم يتفرج عليه
ويشوف حبيبته فيه
ومين حيحب واحد معندوش مال بس معاه شهادة
والدنيا عماله ترمى عليه الغتاتة
دة فى منه كتير فى بلدنا
مساكين والله هما ولادنا
عايزين شقة وعربية وشوية فلوس
وعروسة حلوة تنور حياته زى الفانوس
وشغلانه حلوة تنزل عرقه
ياخد منها خبرة ومعاها يضيع قلقه
وهنا
سكتت شهرزاد عن الكلام المباح ، لما صاح الديك وأعلن أن عن ظهور الصباح
يمكن الشاب يصبح قلبه مرتاح ويلاقى اللى ضاع منه بدل ما هو ماشى كدة كدة فى بلاد الله سواح
يمكن الشاب يصبح قلبه مرتاح ويلاقى اللى ضاع منه بدل ما هو ماشى كدة كدة فى بلاد الله سواح
ليست هناك تعليقات:
إرسال تعليق